DISTRIBUCIÓN AyC ofrécelle o máis amplo abano de produtos informáticos industriais para a automatización e o control de procesos. Somos distribuidores dos fabricantes líderes do sector, para podermos ofrecer solucións de máxima calidade, durabilidade e ciclo de vida, sen esquecer a importancia de cumprir co orzamento máis competitivo. Escoitamos as súas consultas e aconsellámoslle só aquilo que necesita. Se for preciso, ofrecemos un servizo de busca global para aquel produto de características máis especiais, esixentes e diferenciadas que vostede requira e non se encontre entre os nosos provedores máis habituais, sen esquecer a importancia da calidade do produto e do servizo. O material de distribución engloba desde o envío de material discreto (retail) a sistemas ensamblados, testados e listos para o seu uso inmediato na aplicación requirida. O noso servizo de distribución complétase co servizo posvenda, o que cobre calquera consulta sobre o material adquirido así como reparacións, substitucións e actualizacións de equipos en caso necesario. O obxectivo en AyC é facilitar a elección dos nosos clientes e proporcionarlles a solución que satisfaga todas as súas necesidades.